Hei og velkomen til livedekning av oppgjeret mellom Hødd og Molde, direkte frå Ulsteinvik. Det er klart for 3. runde av Noregsmeisterskapet på Høddvoll!

Det er to lag med fine NM-historier å vise til som møtest denne vårdagen. Hødd overraska heile Noreg då dei gjekk heilt til topps i 2012, etter å ha slått Tromsø på straffesparkkonkurranse i finalen. Før det slo dei ut blant anna Sarpsborg 08, Haugesund og Brann.

Molde Fotballklubb har sjølvsagt langt meir å vise til. NM-gull har det blitt både i 1994, 2005, 2013, 2014, 2021 og 2023. Dei regjerande NM-meistrane slo Bodø/Glimt 1-0 i finalen i fjor etter ei sein scoring av Fredrik Gulbrandsen.

I NM-samanheng har Hødd og Molde møttast fem gongar sidan 2002. Alle oppgjera har vore tette og jamne, og ingen av laga har vunne med meir enn eitt mål. Hødd gjekk vidare i 2002 då Erling Ytterland sørgja for 1-0. Det mest intense oppgjeret var i 2013. Erik Sandal trudde han hadde sendt Hødd vidare med si scoring, men heile fire minutt på overtid utlikna Magnus Wolff Eikrem og oppgjeret gjekk til ekstraomgongar. Der sørgja Even Hovland for 1-2, men i siste speleminutt utlikna Sivert Heltne Nilsen til 2-2. Også straffesparkkonkurransen blei dramatisk, men tre Hødd-bom på rad sørgja for at Daniel Chukwu til slutt kunne avgjere når han satte inn Molde sitt straffespark nummer sju. Vi tek gjerne imot slik dramatikk i dag også!

I første runde av turneringa møtte Hødd fjerdedivisjonslaget Volda på bortebane. Det enda med heile 6-1, og attpåtil blei det seks ulike målscorarar. I 2. runde blei det langt tøffare, då Aalesund kom på besøk på Høddvoll. Det stod 0-0 etter ordinært spel, og åtte minutt ut i 1. ekstraomgang kom kampens einaste mål, signert unge Andreas Televik.

Molde møtte på si side Eide og Omegn frå 4. divisjon, men til trass for at laget blir leia av tidlegare Molde-ess Ole Bjørn Sundgot vann moldensarane komfortabelt 5-0 med eit nokså ungt mannskap. I 2. runde blei det langt meir jamt, og til trass for 2-1-siger streva Molde i perioder mot Strindheim.

Nokon vil kanskje seie at Molde-trenar Erling Moe undervurderer Hødd når ein ser laget han stiller med frå start. Men innbytarbenken er uansett solid, og blant anna finn vi namn som Wolff Eikrem, Hestad, Eriksen og Gulbrandsen der. Det varer nok ikkje lengje før vi får sjå dei i aksjon om bortelaget skulle slite her.

Den nye Hødd-trenaren Marius Bøe stiller stort sett med dei same 11 som han har brukt dei siste kampane. Einaste endringa frå 3-0-sigeren mot Fløy sist er det veteranen Robin Hjelmeseth har kom inn på laget i staden for Isak Skotheim. Hødd har ein god kombinasjon av rutine og ungt pågangsmot i lag, og vi finn blant anna fleire representantar for det gode 2005-kullet. Mirza Mulac og Martin Håheim-Elveseter speler frå start, medan Iver Husø Johansen og Oliver Eliassen Aske byrjar på innbytarbenken.

Mange representantar frå Tornekrattet har teke turen til Ulsteinvik for å støtte laget sitt i dag. Hødd sine Blåsarane gjer også sitt for å setje ei fin ramme rundt oppgjeret. I følgje rykta er det over 2000 tilskodarar tilstades på Høddvoll i dag. Ein flott dag for fotball med andre ord!

Begge laga har no helst på kvarandre og vi er få straksar unna at hovuddomar Mohammad Usman Aslam bles i gong oppgjeret.

Kampstart

1' Løvik slår inn frå venstre. Enkelt å plukke for Alme.

2' Innkast høgt i bana for Hødd. Har vore friske i starten her, heimelaget.

6' Nervøst bakerst hos Molde. Slit med frispelinga når Hødd pressar samla.

7' Ekstremt mykje rom på Molde si venstreside, men Hødd har ikkje klart å vende spelet noko særleg så langt.

9' Breivik blir spelt fri bak Hødd sitt forsvar, men Molde må nøye seg med corner.

9' Hjørnespark til Molde

10' Hjørnespark til Molde

11' Elias Myrlid jaktar ei bakromspasning, men Posiadala kjem ut og fangar ballen enkelt. Myrlid er på lån i Hødd frå Brann.

12' Løvik blir spelt fri til venstre og bankar ballen inn i feltet på direkten. Eit nydeleg flatt innlegg som dessverre for bortelaget går forbi alle i feltet.

18' Hødd rykka som kjent ned til 2. divisjon i fjor etter eit kort opphald i 1. divisjon. Starten på seriespelet i 2024 har ikkje vore som forventa, og laget ligg på 9. plass etter 1-1-2 på dei fire første kampane. Formkurva har derimot peika oppover den siste tida.

19' Hjørnespark til Molde

20' Hjørnespark til Molde

24' Mål for Molde, Aaron Samuel scorer!

26'

26' Hjørnespark til Molde

27' Frispark til Hødd

30' Kallevåg prøvar å nå Håheim-Elveseter med ein lang crossar, men forsøket endar berre opp hos Posiadala.

32' Myrlid går inn i ryggen på Amundsen og lagar eit unødvendig frispark heilt nede ved kortlinja ved Molde-målet. Svært lite Hødd sin angrepstrio har fått til så langt. Håheim-Elveseter har vore friskast av dei tre.

32' Kallevåg set fart framover mot Molde si boks, men blir stoppa i siste liten.

33' Molde ligg veldig smalt og kompakt og forsvarar seg, men Hødd held fram med å gå i dei trange roma. Her er nok nøkkelen å vende spelet mykje meir.

34' Frispark til Hødd

37' Fantastiske detaljar av unge Martin Håheim-Elveseter som først tek ei tofotsfinte før han slår ein tunnel. Han speler så Hjelmeseth fri, men veteranen brukar altfor lang tid og får skotet blokkert. Kunne ha sentra til ein medspelar også der, spissen.

39' Molde har veldig god kontroll her. Dei har vore veldig effektive framover i bana, for med unntak av målet har dei berre skapt eit par sjansar. Defensivt har dei derimot sleppt til minimalt så langt.

40' Urnes prøvar å chippe ballen igjennom til Myrlid, men han blir for hard på labben og ballen humpar utover sidelinja.

41' Lund Jensen med obstruksjon på Myrlid. Frispark til Hødd på 30-32 meters hald.

41' Bra slått av Kallevåg, og ballen dett ned på Molde sin femmeter. Diverre for heimelaget er det ingen i blått som er aggressive nok.

42' Johansen curlar ballen inn i feltet. Forbi alle, før det også blir vinka for offside.

44' Hødd-frispark midt på bana. Blir lempa inn i feltet, men kvittrøyene vinn duellane overraskande enkelt.

45' Minimum eitt minutt tillagt til her.

45' Hjørnespark til Molde

45' Pause

Molde leiar 1-0 over Hødd etter første omgang på Høddvoll. Aaron Samuel scora det einaste målet i det som har vore ein svært tam og nokså kjedeleg affære så langt. Eliteserielaget har hatt stålkontroll defensivt og ikkje sleppt til ein einaste Hødd-sjanse. Molde har ikkje sprudla offensivt heller, men Samuel har score eitt på dei to sjansane han har hatt, så då held det enn så lengje. Det blir spanande å sjå korleis Marius Bøe og Hødd gjer det etter kvilen. Skal dei ta seg vidare til 4. runde må dei i alle fall våge langt meir her. Molde og Erling Moe kan sjølvsagt styrke laget kolossalt om dei brukar innbytarbenken, så vi får sjå om det blir aktuelt etter kvart. Her er det berre å glede seg til dei siste 45 minutta!

45' 2. omgang

45' Spillerbytte Hødd - Daniel Brandal går på, Daniel Brandal går av

45' Spillerbytte Molde - Casper Øyvann går på, Casper Øyvann går av

45' Spillerbytte Molde - Kristian Eriksen går på, Kristian Eriksen går av

46' 2. omgang startar slik som den 1. stort sett var, med roleg tempo og eit Molde-lag med ball.

47'

48' Molde rullar opp eit angrep, men trillaren frå Eriksen og ut til Stenevik blir altfor lang.

49' Hjørnespark til Molde

51' Eriksen går i bakken inne i Hødd si boks og ropar på straffe. Domaren vinkar spelet vidare. Mogleg der var ei berøring av ein høddspelar, men Eriksen hjelp kanskje litt vel mykje til sjølv.

53' Johansen blir litt vel nonsjalant i det Granaas kjem stormande i presset. Molde-spelaren får foten på ballen, men Hødd beheld likevel kontrollen.

54' Mulac blir frå arma og må ut på sidelinja for behandling.

55' Mål for Hødd, Martin Håheim-Elveseter scorer!

57' Det målet kom verkeleg ut av ingenting. Molde såg ut til å få full kontroll. Hødd si første avslutning i kampen også.

58' Hødd kjem på ein fin overgang, men Fjørtoft blir for ubesluttsam og rotar ballen utover sidelinja.

58' Samuel jagar i bakrom, men blir avvinka for offside.

61' Mål for Molde, Sondre Granaas scorer!

64' Uhyre effektive her, Molde. 2 mål på 4 sjansar.

68' Molde-benken held på å gjere klare fleire innbytarar. Eirik Hestad er blant dei som tek på seg drakt.

68' Mål for Molde, Emil Breivik scorer!

70' Vanskeleg å sjå korleis Hødd kan kome tilbake her.

71' Spillerbytte Molde - Eirik Hestad går på, Eirik Hestad går av

71' Spillerbytte Molde - Fredrik Gulbrandsen går på, Fredrik Gulbrandsen går av

71' Spillerbytte Hødd - Isak Skotheim går på, Isak Skotheim går av

72' Spillerbytte Hødd - Fredrik Gjerde går på, Fredrik Gjerde går av

72' Spillerbytte Hødd - Olai Bjørdal går på, Olai Bjørdal går av

74' Hjørnespark til Molde

74' Breivik får to skotforsøk etter corneren. Det første blir blokkert, det andre sender han utanfor.

79' Feilkast på Stenevik, faktisk. Hødd får så sjansen, men endar opp med å spele seg i offside.

79' Hødd får lov til å trille litt meir ball no, men Molde ser uansett veldig komfortable ut.

82' Mest liv i Tornekratten no, som venta, men Blåsarane held også fram med å støtte laget sitt. Fortsatt nok tid for Hødd å kome tilbake på, men slik kampen er no er det vanskeleg å sjå korleis det skal skje.

82' Urnes snappar ballen og set fart framover, men ingen andre i blått er med på det og dei må roe ned i staden.

83' Helten frå AaFK-kampen i 2. runde, Andreas Televik, står klar til å kome inn. Er son av Hødd-legenda Geir Televik, som også hadde ei periode i Molde.

84'

85' Brandal går i bakken i duell med Stenevik, men blir vinka på beina av domar Aslam.

86' Molde verkar nøgde her, og trillar berre litt ball seg i mellom. Hødd slit med å kome oppi.

86' Spillerbytte Hødd - Andreas Televik går på, Andreas Televik går av

86' Spillerbytte Molde - Magnus Wolff Eikrem går på, Magnus Wolff Eikrem går av

89' Gult kort til Emil Breivik på Molde

90' Hødd får avslutta via ein Molde-spelar og til corner.

90' Hjørnespark til Hødd

90' Eirik Haugan med dagens svakaste skotforsøk. Treff nesten det eine cornerflagget, den tidlegare Hødd-stopparen.

90' Brandal skjer innover i Molde-boksa, men er i ubalanse og sender skotet i nettveggen. Greitt forsøk.

90' Kampen er slutt