Det er i dag over 1 milion menneske i Noreg med hørselsutfordringar, kvar femte innbyggar og mange av desse er unge. Det vil seie at dette på ein eller annan måte vedkjem oss alle.
For å kunne delta i den politiske debatten generelt, og i valkampen 2023 spesielt, er det ei stor gruppe som er heilt avhengige av tilrettelegging for å kunne delta. Difor oppfordrar vi i Hørselshemmedes landsforbund (HLF):
· alle politiske parti i Molde,
· den kommunale administrasjonen i Molde, og
· andre som har ansvar for tilrettelegging av møteplassane i kommunen i samband med valkampen 2023,
å sørge for blant anna god lyd.
Dette er viktig for å få inkluderande møteplassar, og eit demokratisk ansvar. Noreg har ratifisert FN-konvensjonen om rettane til personar med nedsatt funksjonsevne (CRPD), og artikkel 29 undersrekar hørselshemma sin rett til å delta i det politiske liv. Det er på høg tid at dette blir tatt på alvor, og det blir sikra demokratisk deltaking for alle.
For menneske med hørselsutfordringar betyr dette:
· Alle valarrangementa skal ha lyd- og taleoverføringsutstyr som teleslynge for å sikre god høyrbarheit for alle
· Alle debattar og arrangement skal skrivetolkast
· Alle debattar og valsendingar i lokale media og innhald i sosiale media blir teksta
· Alle vallokale skal ha god visuell informasjon
· Alle valfunksjonærar er medvitne og førebudd på at dei vil møte menneske med ulike utfordringar og behov
· At det blir informert ved innkalling og annonsering av arrangement korleis desse er tilrettelagt
Dei politiske partia har ikkje råd til å miste desse stemmene, verken på valdagen eller i den politiske debatten.
Godt val!
HLF Molde
Vil du skrive i På tråden? Send e-post til ordetfritt@r-b.no
Vil du skrive leserinnlegg? Send e-post til ordetfritt@r-b.no
Her finner du meningsstoffet i Nordvest debatt – Rbnetts meningsportal