Slik innleiar den eksterne rapporten som tek for seg badefagleg drift, økonomi og teknisk drift av Moldebadet.

Rapporten samanliknar også Moldebadet med dei andre badeanlegga i Møre og Romsdal, og med nokre andre anlegg i landet.

Besøk

Med tanke på befolkningsgrunnlag og bassengbruk her i fylket, kjem Moldebadet ut på topp, med 131.642 besøk i fjor – og med 4,9 besøk per innbyggar i Molde. Atlanterhavsbadet har til samanlikning 117.700 besøk og 4,8 innbyggarbesøk, Moa svømmehall hadde 120.000 besøk og 2,6 besøk per innbyggar.

Ofte i Moldebadet Oddrun Beyer Holm og medlemmer i Molde og omland Revmatikerforening er mellom dei som ofte bruker Moldebadet. Over 100 er med, fordelt på ei rekke grupper, og fleire står på venteliste. – Trening i varmtvassbassenget gjer underverk, seier Oddrun Beyer Holm. Moldebadet har best besøk av alle badeanlegga i Møre og Romsdal, viser den nye rapporten. Foto: Kjell Langmyren

Pris

Det er Knut J. Pettersen og David Koht-Norbye, med bakgrunn frå Pirbadet og Østfoldbadet, som står bak verksemd- og økonomidelen av rapporten.

– Moldebadet har treft godt på pris, skriv dei. Samanlikning med andre anlegg viser at Moldebadet ligg midt på treet med billettprisar: Pris for ein vaksen på kvardag er i Molde 135 kroner. Til samanlikning kostar det i Østfoldbadet 150 kroner, og i Sunnmørsbadet 110 kroner.

Kurs

– Moldebadet har etablert gode rutinar for badefagleg drift på alle nivå, heiter det i rapporten, som også krediterer Moldebadet for å halde svømmekurs i egen regi. Dette gir inntekter og er gunstig for å rekruttere brukarar, poengterer rapporten.

Personalkostnad

Det blir likevel stilt spørsmål ved personalkostnadane – rekneskapen viser at Moldebadet har kostnader på 9,7 millionar kroner, utan drift av kafé.

Dette er relativt høgt, ifølgje rapporten, der det vert stilt spørsmål ved om badet kan driftast enklare og meir fleksibelt.

Moldebadet har 16 årsverk og 131.642 besøkande, Østfoldbadet har 11,5 årsverk med 191.421 besøkande, og Atlanterhavsbadet 8,1 årsverk på 117.700 besøkande. Dette omfattar ikkje kafédrift.

– Sunn økonomi

På økonomisida har Moldebadet uansett innfridd, ifølgje rapporten. Den poengterer at momskompensasjonsordninga medfører at resultata står fram verre enn realiteten.

– Moldebadet har bedriftsøkonomisk innfridd forventningane forprosjektet la til grunn. Samanlikna med tilsvarande anlegg er det ut frå premissane levert ei sunn økonomisk drift, med unntak av 2011, heiter det i rapporten.

– Kan spare

Senter for idrettsanlegg og teknologi, SIAT, ved NTNU står bak analysen av det tekniske anlegget. – Anlegget er teknisk veldrive med ryddige og reine areal, og godt engasjement frå driftsansvarlege, heiter det i rapporten. Gjennomgangen viser likevel at det er rom for forbetring:

– Det er stort potensial for reduserte kostnader om det vert gjennomført tiltak for meir effektiv bruk av vatn og energi. Meir automatisering og også kunne gi betra driftsøkonomi. Det bør vere mogleg å redusere forbruket av vatn med 10–20 prosent, og energibruken med 0.5 GWH–0.8 GWh, anslår SIAT.

Samarbeid

SIAT tilrår Moldebadet å samarbeide med Molde Vann og Avløp KF, og viser til at det kan vere midlar å søke på for prosjekt som går på for prosjekt som går på energisparing.