Fylkespolitikarane gir nesten sju millionar kroner til sentrumsutvikling i Åndalsnes. Så godt som heile sentrum blir no fornya.
Summen går til omfattande utbetringar i mesteparten av Åndalsnes sentrum.
- Opprustinga som skal skje no vil heilt endre inntrykket turistar og andre besøkande får når dei kjem til Åndalsnes. Samtidig vil den legge til rette for meir trivsel, handel og aktivitet i sentrum for innbyggjarane. Kommunen fortene skryt for den satsinga som no blir gjort i sentrum, seier Arne- Dag Gjærde, tettstadskoordinator i Møre og Romsdal fylkeskommune.
Jernbanetorget blir nytt
Arbeidet med å grave opp og fornye jernbanetorget er etappe nummer to i den omfattande fornyelsen av Åndalsnes sentrum. Kommunepolitikarane i Rauma har vedtatt å bruke 36,9 millioner kroner på prosjektet.
Romsdalseggen i miniatyr og Walk of fame
Prosjektet som har fått støtte er eit ledd i ei større opprusting som starta i fjor. Fylkeskommunen støtta første etappe med 2 910 000 kroner til fornying av øvre torg i sentrum.
No er det områda kring Jernbaneplassen, Vøra, Tindesenteret og helsesenteret som skal utbetrast:
Jernbaneplassen med Walk of fame
Plassen får nye lampar, benkar og blomsterurner og eit vakkert dekke av granittheller. "Walk of Fame" av norsk, mørk granitt med inngravering av norske fjelltoppar.
- Sitteamfi og forlenga kai
Nytt sitteamfi i tre med fjordutsikt og belysning. Amfiet og kaia bind i hop Vøra med Leikeparken og Tindesenteret.
- Leikeparken
Leikepark utforma som romsdalfjell. Her kan dei minste gå Romsdalseggen i miniatyr! Med sklie, tunnel gjennom eit fjell, trampoliner og klatreelement.
- Torget ved Stokkekaia
Invitasjon til rekreasjon og pustepause for bebuarar og besøkande til Helsehuset. Små intime soner med ryggdekning og skjerming. Bruk av material som granitt, cortenstål og heiltre, og ei renne i granitt som leier overflatevann. Vannspeil med fossefall.
Skjerma for biltrafikk
Prosjektet vil leggje til rette for ein ny bruk av kaia og Troa. Område som før var parkeringsplassar blir til opphaldsareal og byrom. Desse områda blir skjerma for biltrafikk og vert derfor meir eigna for nye leilegheiter i sentrum.
Opprustinga som er planlagt i denne runden omfattar ikkje området langs kaia mot Stavnesodden og vidare.
Ei total opprusting av sentrum er ei viktig satsing i Kommuneplanen og målsettinga om 400 nye innbyggjarar, 300 nye arbeidsplassar og 200 ny bustadar innan 2025.