(Sunnmørsposten): – Det vil føre til 80 færre vogntog med emballasje inn til anlegget på Stranda kvart år, og 25 færre vogntog ut til grossist.
Det seier kommunikasjonsdirektør Dag Olav Stokken i Orkla Foods Norge.
– Er plast som emballasje miljøvennleg?
– Vi gjer faktisk denne endringa ut frå omsynet til miljøet.
Plastryddesesongen er i gang – over 13 tonn søppel er rydda langs strender i Møre og Romsdal
Bilete av ein kval full av plast fekk nyleg stor merksemd. Det var eit skrekkeksempel på kva som kan skje når plast hamnar ute i naturen.
Men denne plasten skal ikkje ut i naturen, seier Stokken:
– Omlegginga vår fører ikkje til meir plast hos forbrukarane. Dette er transportemballasje som blir fjerna i butikkane. Pizzaen som ligg i frysedisken på butikken skal framleis ligge i ei pappeske.
– Og dette er vel overvege?
– Ja, det er det. Butikkane har svært gode ordningar for å samle inn plast, komprimere og sende den til attvinning. Den vil ikkje ende opp som plastavfall i naturen eller i havet, seier Stokken.
Reduserer emballasjevolumet
Solberg markerte krav til søppelfritt hav på nattevandring i Ålesund
– Ein livsløpsanalyse viser at overgang til plast, i dette tilfellet krympefilm, som emballasje gir 20 prosent lågare klimapåverknad enn bruk av bølgepapp.
– Reknar du med at det vil kome negative reaksjonar på denne omlegginga?
NRK inviterer til strandryddedag
Pizzafabrikken på Stranda produserte i fjor 37,5 millionar pizzaer, noko som svarar til ca. 750.000 pizzaer i veka. Alle blir sendt ut med vogntog, og marknaden er stort sett Norge.
– Både papp og plast krev ressursar for å bli produsert. Og plast kan ha sine fordelar. Men det er ein føresetnad at den blir samla inn og attvunnen, og ikkje kjem ut i naturen, seier Øystein Folden, leiar i Naturvernforbundet i Møre og Romsdal, i ein kommentar.
Denne saka vart først publisert på smp.no