Møreaksen og Kjerringsund-sambandet

MDG: – Øydelegg eit naturskjønt område

– Det er vanskeleg å forsone seg med at vi – midt i klima- og naturkrisa – ofrar verdifull natur for å bygge ein klimaskadeleg motorveg. Det seier Ingvild Espelid Wold i MDG om det som skjer i Sundsbøen-området.

– EIN TRAGEDIE: – Det er ikkje vanskeleg å skjøne at folk på øyene er glade for fastlandssamband. Men bak gleda over prosjektet skjuler det seg også ein tragedie. Det meiner Ingvild Espelid Wold i MDG om Kjerringsund-sambandet og Møreaksen. Bildet er tatt tidlegare.   Foto: Rigmor Sjaastad Hagen

Nyheter

Ingvild Espelid Wold er lokalpolitikar i Molde, fylkesleiar i MDG, og partiet sin 2.-kandidat til Stortinget i Møre og Romsdal. Ho viser til saka «Her blir det landsby og industriområde» i Romsdals Budstikke måndag, om utgraving og utbygging ved Sundsbøen på Otrøya der Kjerringsund-sambandet frå Gossen kjem i land. Same stad blir også riggområde for Møreaksen.