Sjukehuset kan bli utsett med eit år

Pristilbod for SNR er altfor høgt, skriv Helse MR.
Nyheter

Sjukehuset blir utsatt med eit år. Det kjem fram i denne pressemeldinga frå Helse Møre og Romsdal:

«Konkurransen om å bygge akuttsjukehuset på Hjelset bør bli avslutta, det skriv adm.dir. Espen Remme i si innstilling til styret i Helse Møre og Romsdal. Pristilboda som har kome inn er langt høgare enn forventa, og det vil ikkje vere mogeleg å forhandle dei ned til den økonomiske ramma som er satt for oppdraget.

- Sjukehuset Nordmøre og Romsdal skal realiserast i tråd med vedtak og intensjonar som ligg i forprosjektet, men eg ser meg nøydd til å anbefale at den pågåande konkurransen blir stoppa. Vi ønskjer mellom anna å sjå nærare på val av entreprisemodell og konkurransegrunnlag, før vi går ut med ein ny konkurranse, seier Remme.

– Det er leit at vi er i denne situasjonen nå. Men det viktige er at prosjektet skal gjennomføres. Så hodet hevet og stø kurs framover for prosjektet, sa Espen Remme på møtet med involverte i SNR-prosjektet på Hjelset mandag formiddag.

To pristilbod

11. mai fekk Helse Møre og Romsdal inn tilbod frå to entreprenørar, BetonmastHæhre AS og Skanska AS på bygging av akuttsjukehuset på Hjelset. Begge tilboda er godt gjennomarbeidde og inneheld gode forslag til gjennomføring av byggeprosjektet, men pristilboda ligg vesentleg høgare enn berekna. 

- For å kunne vurdere innhaldet i tilboda så har vi møtt og gjennomført forhandlingar med entreprenørane. Vi har hatt konstruktiv og gode dialog og begge entreprenørar har gitt oss fleire forslag til kostnadsreduserande tiltak.  Vårt forhandlingsteam vurderer likevel at vi ikkje vil greie å redusere tilboda tilstrekkeleg gjennom fleire forhandlingsrundar, seier prosjektdirektør Helle Jensen.

Av konkurransemessige omsyn kan ikkje prosjektet opplyse om storleiken på pristilboda, men Sjukehuset Nordmøre og Romsdal skal realiserast gjennom fleire entreprisar som totalt sett skal løysast innafor styringsramma for prosjektet som er 4,3 mrd. kroner (2018-kroner)

Forseinking i prosjektet

Planen var å innstille ein entreprenør for oppdraget 29.juni, og deretter starte samhandlingsfasen fram mot byggestart i november 2018. Om styret vedtek å avslutte konkurransen, vil prosjektet og byggestart truleg bli utsett med pluss-minus eitt år.

- Det er leit om realiseringa av Sjukehuset Nordmøre og Romsdal blir forsinka, men det er viktig at vi sikrar ein god og økonomisk forsvarleg gjennomføring av prosjektet. SNR skal realiserast slik at vi sikrar befolkninga i Nordmøre og Romsdal eit godt tilbod i framtida, og eg er oppteken av å sikre at planlegginga og anleggsarbeidet held fram slik at ein unngår unødige forseinkingar, seier Remme.»

I dag mandag er mange frå prosjektorganisasjonen for nytt sjukehus samla til møte på Hjelset. Prosjektdirektør og prosjektsjef går gjennom status for prosjektet, saman med dei mest sentrale tilsette, tillitsvalgte og brukarar. Adm.dir. Espen Remme vil også vere på møtet.

Romsdals Budstikke er til stades på presseinfo rett etter møtet, ca kl. 12.45, og kjem med fleire kommentarar etter kvart.