Musea skal dokumentere vår historie og for Eides vedkomande var den Kvernes prestegjeld før formannskapslovene og Vevang var først ein del av Kornstad kommune, til den vart ein del av Eide kommune etter 1964.

Gamle Kvernes bygdemuseum vart skipa under krigen i 1941 for å berge noko av kulturminna. Seinare har museet teke vare på og dokumentert utviklinga på ein så god måte at museet, som i fjor runda 80 år, i jubileumsåret fekk Nordmøre historielags utmerkinga «Kuliprisen 2022» for sitt arbeid.

Det gledde meg difor å få vere ei av dei røystene i Hustadvika kommunestyre, som samrøystes, vedtak å vidareføre Eides andel som er 35% av den kommunedelen som Averøy betaler til Nordmøre Museum.

Når det gjeld bydebøkene er det viktig å få ferdig dei bøkene som manglar både i Fræna og Eide. Eg etterlyste manglande framdrift for bygdebokarbeidet i kommunestyret i Eide og rådmannen lova bot og betring. Han lova i kommunestyret at han 2 gonger i året skulle han rapportere framdrifta i bygdebokarbeidet,  men ikkje noko skjedde og vi manglar framleis 3-4 bygdebøker  i Eide før alle bygder er dekt.

Ein manglar ikkje pengar om ein vil dra nytte av eit vedtak som fellesnemnda gjorde i samband med kommunesamanslåinga. Vedtaket var at dei såkalla «Istadpengane» som eksisterte ved samanslåinga  skulle øyremerkast og brukast i dei deler av nykommunen, som  desse midlane kom frå.

Frå Eide var dette ikring 40 mill. og frå Fræna tilsvarande meir. Etter mitt syn er det truleg dei manglande bygdebøkene fellesnemnda må ha hatt i tankane når dei gjorde sitt «Salomoiske» vedtak.

Difor vert oppgåva til kommunedirektøren etter budsjettmøtet å sørge for at bygdebokarbeidet vert forsert og ferdigstilt snarast. Dette er ikkje alles ansvar, men kommunedirektørens. Han sit på pengesekken.

Vil du skrive i På tråden? Send e-post til ordetfritt@r-b.no

Vil du skrive leserinnlegg? Send e-post til ordetfritt@r-b.no

Her finner du meningsstoffet i Nordvest debatt – Rbnetts meningsportal