Kvifor har ein ikkje høyrt på han?
Språk vekkjer kjensler om identitet, historie og kulturarv, og det har vi stor respekt for. Men respekt for eit synspunkt må ikkje gli over i urettmessig forskjellsbehandling. Fridom og likeverd mellom nynorsk og bokmål er viktig, og den beste måten å bevare språk, er gjennom valfridom.
Møre og Romsdal fylkeskommune har i dag nynorsk som målform, men vi ønskjer å gjere målforma nøytral slik at tilsette kan velje mellom bokmål og nynorsk som arbeidsspråk. Det handlar om kvardagen til rundt ca 2500 tilsette.
Får ikke folkeavstemming: – Skuffet og oppgitt
Høgre ønskjer modernisering, fornying og forenkling av det offentlege, og då ser vi det som naturleg at tilsette skal få velje kva målform dei vil bruke i dagleg arbeid.
I tillegg er det viktig at fylkeskommunen kan rekruttere dyktige tilsette blant eit stort mangfald, for å få tak i verdifull arbeidskraft. For enkelte er det å beherske norsk i seg sjølv ei utfordring, om dei ikkje må tvingast inn i ei spesifikk målform i tillegg.
Mangelen på nøytral målform kan i verste fall føre til at terskelen for å søke jobb i fylkeskommunen blir høgare enn for å søke seg til andre stader i landet. Då gir vi oss sjølve eit dårlegare utgangspunkt enn nødvendig i den viktige konkurransen om kompetanse og fleire innbyggjarar til fylket.
Kjernen i det å ha ein nøytral språkform er nemleg å legge til rette for ein effektiv administrasjon og ein attraktiv arbeidsplass.
Per Arne Skomsø fekk målprisen
Vi trur Ivar Aasen hadde vore stolt om han såg kor mange som brukar nynorsk i dag, og kor mange som ønskjer å bevare denne kulturskatten. Men vi er redde han hadde vorte skuffa om han hadde sett kor mange som meiner at tvang er den beste måten å bevare nynorsken på.
"Ein skulle heller oppmuntre til at språkforma blir brukt, men elles la kvar og ein bruke det nye eller gamle slik ein finn det for godt." Ivar Aasen, 1836.
Høgre har valfridom som ein av sine kjerneverdiar, og vil jobbe for at det nye fylkestinget tek Ivar Aasen si eiga oppfordring, og vedtek at tilsette i Møre og Romsdal fylkeskommune får velje målform sjølv. Det same gjeld sjølvsagt for kommunane. Høgre vil ha valfridom framfor tvang, for å bevare språk.
Vil du skrive i På tråden? Send e-post til ordetfritt@r-b.no
Vil du skrive leserinnlegg? Send e-post til ordetfritt@r-b.no
Her finner du meningsstoffet i Nordvest debatt – Rbnetts meningsportal