Saka kom opp etter at Stig Holmstrøm (Ap) tidlegare i vinter la fram forslag om å greie ut Romsdalsaksen som alternativ til Møreaksen. I det førre kommunestyremøtet vart det vedtatt at forslaget skulle oversendast administrasjonen til vurdering.
I møtet i formannskapet måndag vart det fatta vedtak med seks mot ei stemme.
Her heiter det at Vestnes kommunestyre konstaterer at det er stort engasjement rundt dei ulike fjordkryssingsalternativ over Romsdalsfjorden. På denne bakgrunn blir Romsdalsaksen invitert, med krav om skriftleg avklaring på ei rekke spørsmål før møtet.
Her er krava:
1. Avklaring av Forsvaret si haldning til flytebru over Romsdalsfjorden inn til Åndalsnes.
2. Avklare Riksantikvarens haldning til konsekvensar for Veøya
3. Avklare Avinor si haldning til bru over Fannefjorden med tanke på Årø flyplass
4. Avklare Kystverkets haldning til prosjektet
5. Gjere sannsynleg det økonomiske fundamentet for prosjektet.