- Eg er glad, dette er ei sak eg har ivra for over tid, seier moldeordførar Torgeir Dahl, som også er medlem i det fylkeskommunale utdanningsutvalet. Han refererer til torsdagens møte i utvalet, der spesialundervisning i vidaregåande opplæring var tema.
Ganske raskt var det situasjonen ved Tøndergård som vart debattert. Saka var i utgangspunktet oppe som orienteringssak, men det vart likevel fatta vedtak i saka – samrøystes. Alle parti stiller seg dermed bak vidareføring av tilbod om vidaregåande opplæring ved Tøndergård, basert på individuell vurdering.
Frykta kutt
– Vil kunne bli eit mareritt
Kostnader
Administrasjonen i fylkeskommunen evaluerer ordninga med spesialundervisning, og viser til kapasitetsauke ved nye skolar og til at Møre og Romsdal har høgare kostnader enn landssnittet på området. Meirkostnadane vert forklart med innkjøp av tenester ved Tøndergård. Dagens avtale om tenestekjøp går fram til 1. august neste år.
Reagerer
– Eg reagerer kraftig på at dette no kom opp igjen på nytt, etter tidlegare rundar med den same diskusjonen, kommenterer Torgeir Dahl.
– Det vert vist til integrering og kompetansebygging, og det er vel og bra. Men vi må erkjenne at det ikkje er alle elevar som vil fungere i store samanhengar. Det kan handle om autisme, om utagering, om begrensa kognitive ressursar. Det er her snakk om elevar som ikkje vil handtere å bli plassert i store samanhengar. For desse kan øving på å meistre enkle, kvardagslege oppgåver vere meir enn nok. Heldigvis har vi no fått eit tverrpolitisk vedtak som sikrar tilpassa tilbod ved Tøndergård også vidare, seier Dahl.