Politiet går no ut med ein meir detaljert beskrivelse av den annen som ein særleg ynskjer tips om, etter at ei ung kvinne blei overfalt heime hos seg sjølv i Volda natt til søndag.
- Mannen hadde på seg mørk caps, mørk jakke og lys bukse. I tillegg kan vi opplyse av han var liten av vekst og mørkhuda. Mannen vart observert springande i retning området ved torget, seier etterforskingsleiar Grete Hjelle ved Møre og Romsdal politidistrikt i ei pressemelding.
Utvidar tidsrommet
Politiet utvidar dessutan tidsromet dei ynskjer tips om.
«Ein ynskjer no å kome i kontakt med personar som var i Halkjelsgata i Volda sentrum i tidsrommet frå 02.00 til 03.30 natt til søndag 3. desember,» skriv politiet.
Politiet tar imot tips på telefon 02800 / 70118700.
- Det er viktig at dei som kan ha vitneobservasjonar eller tips til oss, kjem med desse så raskt som mogleg, seier etterforskingsleiar Hjelle.
Etterforskinga som vart sett i gang natt til søndag etter meldinga om at ei ung kvinne hadde vorte overfallen i sin eigen bopel, heldt fram med full styrke måndag.
Men førebels er ingen pågripen eller sikta i saka, skriv politiet i pressemeldinga.