Sentralbanksjefen på besøk i Molde

Den dramatiske gulltransporten og den historiske tilknytinga Norges Bank fekk til Molde våren 1940, var ei viktig årsak til sentralbanksjef Øystein Olsens besøk i Molde måndag.

Norges Bank fyller 200 år i juni, og i løpet av våren besøker Olsen fleire av byane som har prega bankens historie.

Måndagens program for sentralbanksjefen starta i kjelleren i det som var «Confektionsfabrikken A/S», der Molde Bymuseum har laga ei utstilling om Gulltransporten og kongens opphald i Molde i aprildagane 1940.

Sentralbanksjefen besøkte vidare Molde videregående skole, der både det historiske med 200-årsjubileet, og dagens økonomisk bilde var tema.

Neste stopp var Plassen, der Olsen hadde lunsj saman med det regionale nettverket, og etterpå heldtforedraget «Pengepolitikken før og nå».

Programmet vert avslutta med omvising på Aker Stadion og møte med MFKs manager Ole Gunnar Solskjær.