– Eg er stolt over det teamet har fått til. Mange brukarar får godt hjelp, og team i andre kommunar hentar også inspirasjon i det som vert gjort her i Molde, seier prosjektleiar Thore Folland i Molde kommue.
Pilot
Molde er mellom 18 pilotkommunar som i 2013 gikk inn i det treårige prosjektet Rask Psykisk Helsehjelp, RPH, eit lågterskeltilbod for personar som slit med psykiske plager som lettare angst og depresjon.
Folk kan ta direkte kontakt med teamet, og få hjelp til sjølvhjelp.
Sjølvhjelp
– Opplegget er trappetrinnsbasert, med steg som tilgang til sjølvhjelpsmateriell, kurs og individuelle timar, men maksimalt 16 timar, forklarer Folland.
Han opplyser at Molde har gjort ein særinnsats ved utarbeide materiell og gjere det tilgjengeleg, til glede for brukarar og andre pilotkommunar.
Pågang
I Molde er seks personar involvert, fordelt på i overkant av 3 årsverk. Pågangen er stor, i 2014 fekk 236 pasientar behandling, ifølgje Nasjonalt kompetansesenter for psykisk helsearbeid.
– Dette er ein type behandling vi har tru på og gjerne vil halde fram med. No vert prosjektet vidareført, og også utvida, opplyser Folland.
Også unge
Brukargruppa blir utvida til å omfatte også ungdom i alderen 16-18 år.
– Vi ser for oss å sy dette saman med Helsestasjon for ungdom, seier Folland.
Interkommunalt? Han håper også at prosjektet skal kunne utvidast ved at det vert etablert interkommunalt samarbeid. Prosjektet har hatt pågang frå folk i nabokommunar, som så langt ikkje har fått time.
– Dette har vi nettopp startat ein prosess på, så får vi sjå korleis det går, seier Folland.