Gjengen i 9.klasse ved Riksfjord skole reiste til Delft i Nederland sist onsdag for å delta i First Lego League Open European Championship.
Endret: 05.06.2011 kl. 10:47
Gjengen skulle som eitt av tre norske lag konkurrere i forskjellige kategoriar mot 66 andre lag frå heile verden.
”Frienship Award” Og laurdag ettermiddag var det klar at gossingane hadde hala i land den heile ferske prisen ”Friendship Award”. Denne går ut på at andre lag skal dele ut Lego-klossar på andre sine ”pit”ar, basert på mellom anna venlegheit, hjelpsomheit og den type kriteria.
- Dei som gir frå seg klossar skal grunngje kvifor, og våre elevar fikk mellom anna for ryddig pit, for å ha lånt bort Lego-bordet sitt, at vi hadde så blide og vennlege elevar på ”pit”’en vår og på den måten blei postivt lagt merke til, fortel kontaktlærar Mari Lotte Julnes på telefon frå Delft.
Stolt og glad
- Elevane er kjempestolte og kjempeglad for å ha vunne denne prisen, og særleg stas er det at det er dei andre laga, og ikkje dommarar, som har vurdert dei slik, så dette var stort.
Julnes fortel at elevane verkeleg har stått på for å halde koken i turneringa, som held eit svært høgt nivå. I tillegg har det vore opptil 27 grader i Delft og nærare 50 pluss inne i hallen der turneringa har foregått.
- Dei har vore oppe klokka seks kvar morgon og tilbake på hotellet i 22.30-tida, så dei har stått på. I morgon (søndag) skal dei få ligge frampå litt, og så pakkar vi og dreg til Amsterdam. Då går turen over til å vere klassetur, fortel ho.
