Det er Bildøen sitt forlag Samlaget som melder at forfatteren frå Aukra og kollega Agnes Ravatn er nominerte til prisen.
– Brit Bildøen og Agnes Ravatn er på langlista til prestisjeprisen Dublin Literary Award med bøkene «Sju dagar i august» og «Fugletribunalet». Prisen er på 100.000 euro og går til ei bok skriven på engelsk eller omsett til engelsk. Blant tidlegare vinnarar finn ein Orhan Pamuk, Per Petterson og Michel Houllebeq, skriv forlaget.
Langlista inneheld heile 150 nominerte bøker. Først i april 2018 blir kortlista presentert. Vinnaren blir annonsert 13. juni.