Lysfest og kunst på Litjefjellet

Utsyn i verdsklassen, soloppgang i Trollveggen og no også kunst på Litjefjellet!

Klokka er kvart på tre om morgonen. Vekkjarklokka ringer! Eg løftar på hovudet, og får sjå akkurat det eg har drøymt om. Sola dukkar opp bak Venjestindane, og er straks i gang med å setje fyr på Trolltindane med sitt gulraude morgonlys. Eg ålar meg ut av soveposen, grip fotoutstyret og set i gang med det eg har kome hit for. Eg ser og fotograferer. Fotograferer og ser. Tida må utnyttast før lysfesten er over!

Liten tur, stort utsyn. Turen opp til denne fjellryggen mellom Romsdalen i vest og Venjesdalen i aust er gjort på 15 minutt. Med andre ord ein liten tur med stor belønning. Sjå deg omkring! Frå Litjefjellet får du nærkontakt med ei lang rekkje av Norges mest imponerande fjell: Romsdalshornet, Breitinden, Trolltindane og Trollveggen, Venjestindane, Kalskråtinden, Olaskardstinden. Vil du ha den store opplevinga, skal du gjere som eg. Gå opp ein kveld midt på sommaren. Få med deg kveldslyset fram til sola går ned, sov 2 – 3 timar og stå opp saman med sola. Då får du vere med på ein fest i lys og fargar!

Dette er noko du kan gjere heile sommaren, men maksimal utteljing av lyset i Trollveggen får du sjølvsagt når sola er på sitt høgaste. Uansett er ein tur til Litjefjellet ei stor naturoppleving, men moderat fysisk utfordring.

Vil du oppleve kunst under open himmel i Venjesdalen og på Litjefjellet må du vere der i Fjellfestival-veka. I år er det «Kunst i Natur» for niande gong: «På sporet av den 9. Innsikt – Kunst i Natur i Romsdal 2010».

Se flere bilder her!

Litjefjellet er staden. Denne gongen er åtte kunstnarar med: Agnetha Segerfelt, Gunvor Tangrand, Guri Berg, Ann-Mari Arneberg, Dag Hagen, Åse Rangnes Søvik, Geir M. Brungot og Gunn N. Morstøl.

- Kunst i Natur er stadkunst, og for oss er Litjefjellet staden! Dette har vore eit årleg arrangement sidan 2002, og heile tida har vi halde til på Litjefjellet og i Venjesdalen. Vi blir her, sjølv om Norsk Fjellfestival i år har valt å flytte opningsarrangementet sitt til Herjevatnet. I tillegg til det som går føre seg utandørs, har vi utstilling ved Galleri Innsikt i Isfjorden. Vi gjer merksam på at Galleri Innsikt har flytta, og held no til i stallen på nabogarden, hos Eli Vatten og Knut Edvart Grøtta, opplyser Gunn N. Morstøl.

Natur og miljø. Årets tittel, «På sporet av den 9. Innsikt», leier tanken mot Galleri Innsikt der det heile starta og at dette er den niande Kunst i Natur:

- Tittelen seier oss også noko om dei deltakande kunstnarane sitt engasjement og respekt for natur og miljø både lokalt og globalt, og til undring og nysgjerrighet, seier Gunn N. Morstøl.

Alle som vi oppleve kunstverka ute i naturen, kan ta turen til Venjesdalen og Litjefjellet frå måndag 12. juli og i tre veker framover. Utstillinga på Galleri Innsikt er open alle dagar frå klokka 13 til 19.

Kunst i Natur arrangerer kunstvandring med gaid på Litjefjellet tysdag kl. 14 og «Miljøagentenes kunst- og naturvandring» laurdag kl. 13. Ved begge arrangementa er det oppmøte i Venjesdalen der stien til Litjefjellet startar.

Kunst i Natur er stadkunst, og for oss er Litjefjellet staden!

Gunn N. Morstøl
Kunst i Natur, Litjefjellet
Kortreist

Høst skjell!

I Eresfjord kan du plukke og spise blåskjell til du blir blå.

På Klauva med Lars

Hotellkongen Lars Wenaas bor gjerne på hotell. Men aller best trives han i fjellet.

Se tursjefens 10 beste høstferieturer

Turistforeningssjefen har plukket ut sine favorittfjell. Hvor mange av dem kjenner du?

Natur og kultur på Halåssetra

6222 glade turgåere kan ikke ta feil. Halåssetra er vel verd en tur!

Gåtefulle steinar på Blåskjæringen

Kvifor har våre fjerne forfedre reist opp bautasteinar på toppen av Blåskjæringen, Keipen, Sandtinden og Midttinden?

VENTER PÅ RASET I ROMSDAL

Tvinger ingen vekk fra rasområdet

Politiet satser på dialog foran tvang.

Skeptisk til dynamitt

Geolog betenkt over å skulle sprenge ned raset i fjellet Mannen.

- De som er evakuert, er imponerende rolig

Ordfører Lars Olav Hustad berømmer dem som er evakuert fra husene sine på Lyngheim for å ta situasjonen rolig og sindig.